0
My Cart - 0 items
  • No products in the cart.

Dry Lemon/ خشک لیموں

Dry Lemon/ خشک لیموں

مختلف نام: ہندی نیبو کاغذی،لیموں،نیمو-سنسکرت نیمبوک۔ مرہٹی لیموں۔گجراتی کھانٹا گول،کاغذی لیموں۔بنگالی پاتی لیمبو۔ پنجابی نِمبو۔ لاطینی میں سائٹرس میڈیکا الیسی ڈابر گبیا(Citrus Begamia)لیمونیم ایسڈیم (Lemonam Acidum)اور انگریزی میں لیمن (Lemon)کہتے ہیں۔

شناخت:اس کے درخت درمیانہ  قد  کے جھاڑی جیسے ،پتے چھوٹے گول ،کچھ لمبے ،کسی کے چھوٹے ،پھول چھوٹے سفید خوشبودار ،پھل گول چھوٹے کچی حالت میں ،عام طور پر کاغذ کی طرح پتلا ہونے  سے اسے کاغذی  لیموں کہتے ہیں۔ اس کا درخت ہندوستان  و پڑوسی ممالک میں ہر جگہ پایا جاتا ہے اور مشہور ہے۔

 مزاج: گرم مزاج والوں کے موافق ہے۔

مقدار خوراک:بمقدار مناسب۔

Aids In Smooth Digestion

  • Boosts Immunity
  • Helps In Weight loss
  • Used For Lower Blood Pressure
  • Relieves Headache And Cools Body

 

  • Scientific Name: Citrus × Limon

From 80

Clear
Categories: ,

:لیموں کے آسان مجربات مندرجہ ذیل ہیں

لیموں کا مربہ:عمدہ اور گدرائے لیموں چیر کر دو حصہ کریں۔دیگچہ میں پانی ڈال کر جوش دیں اور دیگچہ کے منہ پر کپڑا باندھ کر اوپر چیرے ہوئے لیموں رکھ دیں جو پانی سے اوپر رہیں ۔یہاں تک کے پانی کے بخارات سے لیموں کا چھلکا نرم ہو جائے۔انہیں ذرا خشک ہونے دیں ۔پھر مصری کے قوام میں ملا کر  تھوڑی دیر پکائیں۔جب قوام درست ہو جائے ،رکھ دیں۔چند روز کے بعد اگر قوام پتلاہو تو  اسے پھر پکا کر گاڑھا کر لیں۔

فوائد:مقوی معدہ اور ہاضم ہے ،بھوک بڑھاتا ہے۔بخاروں میں قے آنا اور پیاس لگنے کو روکتا ہے۔دل کو فرحت دیتا ہے۔طبیعت  کو خوش رکھتا ہے۔

دیگر:لیموں پختہ بڑے بڑے اور زرد رنگ کے لے کر ان کے چھلکے کو کسی پتھر پر رگڑیں اور دس بارہ روز نمک کے پانی میں رکھ دیں تا کہ پوست کی تلخی دور ہو جائے۔پھر ان کو صاف پانی سے دھو لیں ،پھر لکڑی کی باریک سیخ سے ان کو گودیں۔یعنی ان میں سوراخ کریں اور مصری کے شیرہ میں ڈال کر تھوڑی دیر پکائیں اور مرتبان میں رکھ دیں۔چند روز کے بعد اگر شیرہ پتلا ہو جائے تو اس کو پھر قوام کریں۔

فوائد:یہ مربہ گرم مزاج والے آدمی کے موافق ہے اور معدہ کو طاقت دیتا ہے۔امراض صفراوی میں کارآمد  ہے۔حمیات صفراویہ میں پیاس اور قے صفراوی کو روکتا ہے۔دل کو تفریح دیتا ہے۔

لیموں کے چھلکوں کا مربہ:لیموں کے چھلکے احتیاط سے اتار کر بڑے بڑے ٹکڑے بنائیں۔اس کو بند دیگچہ میں تھوڑے پانی کے ساتھ جوش دیں۔پانی اس قدر ہو کہ چھلکے نرم ہو  جائیں اور تمام پانی جذب ہو جائے۔اب ان چھلکوں کو مصری کے شیرہ میں ڈال دیں۔چند روز کے بعد اگر قوام پتلا ہو تو پھر پکا لیں۔نہایت عمدہ مربہ ہو گا۔

فوائد: یہ خوشبودار ،خوش ذائقہ مربہ مقوی معدہ اور مفرح ہے۔

لیموں  کے چھلکے کا عطر یا روح: لیموں کے تازہ چھلکوں کا بدستور عرق نکالیں اور اس عرق میں اور چھلکے ڈال کر سہ آتشہ عرق نکالیں،اس عرق کو ٹکا کر رکھ دیں اور اوپر سے لطیف روغن باحتیاط جدا کر کے شیشی میں رکھ دیں،یہ چھلکوں کا عطر ہے۔

فوائد: یہ عطر مختلف کھانوں میں ان کو خوشبودار اور خوش ذائقہ بنانے کے لئے ڈالا جاتا ہے۔

رُب لیموں:لیموں کاغذی کا رس نکال کر  اسے نرم آگ پر مردق کریں اور اچھی طرح صاف کر لیں۔پھر اس کو دیگچہ میں ڈال کر نرم آگ پر پکائیں ،جب چوتھا حصہ  رہ جائےتو اس میں دو چند مصری مصفیٰ ملا کر قوام کو گاڑھا کر لیں۔

فوائد:بھوک لگاتا ہے۔قے صفراوی کو دفع کرتا ہے۔دل کو فرحت دیتا ہے۔امراض معدہ اور جگر کے لئے مفید ہے۔مقوی معدہ اور ہاضم ہے۔خوراک بقدر 5گرام چٹائیں۔

یہ رُب اس موسم میں جب کہ تازہ لیموں دستیاب نہیں ہو سکتے ،شربت لیموں بنانے کے کام آتا ہے۔ایک کلو مصری کو قوام دے کر اس میں 250 گرام رُب ڈال دیں۔نہایت عمدہ شربت لیموں تیار ہو گا۔اس طرح جس قدر چاہیں شربت تیار کر سکتے ہیں۔

قرص لیموں: چینی کو پانی سے قوام دیں پھر اس میں نصف وزن آب لیموں ملا کر پکائیں۔جب گاڑھا ہو جائےاس میں چمچہ پھیرتے رہیں تا کہ سفید ہو جائے اور اس میں تھوڑی سی  رطوبت رہ جائے  پھر اسے پتھر کی سل یا چینی کی پلیٹ میں ڈال کر ذرا پھیلائیں اور اس کے قرص کاٹ کر رکھ دیں۔سل یا چینی کی پلیٹ میں ڈالنےسے پہلے اس سل یا پلیٹ کو بادام روغن سے اچھی طرح چرب کر لیں تا کہ قوام اس کےساتھ چپک نہ جائے۔

اس کے فائدے شربت لیموں کے برابر ہیں۔

لیموں کے چھلکے کا اچار: لیموں کا چھلکااتار کر اس کے اندر کی سفیدی چاقو کی مدد سے دور کریں اور اس کے باریک طولانی ٹکڑے کاٹ لیں اور انہیں نمک کے پانی میں ڈال دیں تا کہ ان کی تلخی دور ہو جائے۔پھر صاف پانی سے دھو کر چونے کے پانی میں رکھ دیں تا کہ خستہ ہو جائیں۔پھر صاف پانی سے دھو کر پانی کے ساتھ تھوڑا  جوش دیں۔اس قدر کہ زیادہ نہ گل جائیں۔پھر ان کو کپڑے سے پونچھ کر برتن میں ڈال دیں۔اوپر سرکہ انگوری ڈال دیں جو کہ بہت زیادہ تیز ہو۔

چند عدد لونگ اور چھوہارے  پتلے ٹکڑےکر کے اور قدرے کلونجی بھی شامل کریں اور چند روز دھوپ میں رکھیں۔اگر چاشنی دار بنانا چاہیں تو  مصری بقدر ضرورت سرکہ میں پکا کر اس میں چھلکے ڈال دیں اور چند جوش دے کر  رکھ دیں۔جب درست ہو جائے تو استعمال میں لائیں۔

فوائد:صفرا کو تسکین دیتا ہے اور گرم مزاج والوں کے معدہ کو طاقت دیتا ہے۔

دیگر:لیموں ثابت لے کر ان کے چھلکےکو پتھر سے رگڑیں اور مٹی کے برتن میں ڈال دیں۔اب اس میں قدرے نمک سائیدہ داخل کریں اور دھوپ میں رکھ دیں اور دن میں کئی مرتبہ ہلاتے رہیں۔تین دن کے بعد نمک کا پانی دور کر کے لیموں کو دھو کر خشک کریں اور نمک کے ساتھ برتن میں؎ ڈال کر دھوپ میں تین دن رکھیں اور ہلاتے رہیں۔یہ عمل تین مرتبہ کریں۔اس کے بعد لیموؤں کو دھو کر رطوبت خشک کر کے برتن میں رکھیں اور ان کے اوپر سرکہ مقطر یا روغن سرسوں اس قدر ڈالیں کہ لیموؤں کے اوپر آ جائے نیز اس میں سرخ مرچ اور دیگر مصالحےبھی شامل کریں۔چند روز دھوپ میں رکھیں۔جب تیار ہو جائے استعمال کریں۔

فوائد:مقوی معدہ ،ہاضم اور مشتہی ہے۔

دیگر:لیموں کلاں پختہ لے کر ان کو ایک طرف سے چیر دیں لیکن چیر کرجدا نہ کریں۔پھران میں مصالحہ ذیل نمک 250 گرام،مرچ 50 گرام ،ہلدی 10 گرم، سونف 20گرام فی کلو کے حساب ڈال کر برتن میں ترتیب وار رکھتے جائیں،جب برتن پر ہو جائے  تو اس پر سرپوش رکھ دیں۔ان سے بہت پانی نکلے گا۔جب تک پانی خشک نہ ہو جائے برابر  دھوپ میں رکھتے رہیں۔اس کے بعد اس میں سرسوں کا تیل اس قدر ڈالیں کے اوپر آ جائے۔چند روز دھوپ میں رکھ کر پھر محفوظ رکھیں ۔اگر چاہیں تو تیل ڈالنے کے بعد اس میں چند سرخ مرچ جو ابھی سبز ہوں ،چیر کو نمک سے پُر کر کے داخل کریں ۔اگر تیل ڈالنا منظور نہ ہو تو سرکہ خالص اس  قدر ڈالیں کے اوپر آ جائے۔عمدہ اچار ہو گا ۔باحتیارکھیں ۔

فوائد:اس کے کھانے سے خوشبودار ڈکاریں آتی ہیں اور بدن میں سے خوشبو آنے لگتی ہے۔یہ معدہ کو طاقت دیتا ہےاور معدہ کی رطوبت کو خشک کرتا ہے۔قوت ہاضمہ کو بڑھاتا ہے۔غلیظ غذاؤں کو ہضم کرتا ہے اور ان کی ذخانیت کو  مٹاتا ہے۔دل اور جگر کو قوت دیتا ہے۔گردے کے سدوں کو کھولتا ہے۔پیشاب جاری کرتا ہے۔کیڑے مکوڑوں کا زہر رفع کرتا ہے۔

Lemon is one of the most widely used citrus fruits worldwide. Botanically, this citrus fruit belongs to the family of Rutaceae, in the genus, Citrus (which also includes orange, pomelo, tangerine, and grapefruit).

Lemons are thought to have originated in the Himalayan foothills of North-East India, and from where they spread all across the Middle East, Europe, Africa, and as far as Americas. Lemon’s peel contains many volatile oil glands in pits. Interior flesh is composed of segments, called carpels, made up of numerous juice-filled vesicles that are actually specialized hair cells).

Dry lemon/Leemon Khushk (لیموں خشک) is also known as Citrus × Limon.

Health benefits of Dry Lemons:

  1. Aids in smooth digestion
  2. Helps dissolve kidney stones
  3. Boosts immunity
  4. Weight loss
  5. Lower blood pressure
  6. Relieves headache and cools the body
  7. Good for skin
  8. Good for teeth and gums
  9. Fight against cancer

Safety profile:

It may cause an allergic reaction for persons who have severe allergy with lemons.

Reviews

There are no reviews yet.

Be the first to review “Dry Lemon/ خشک لیموں”

Your email address will not be published.

Designed by WZ