:مزاج

سرد درجہ اول خشک  درجہ دوم۔

:مقدار خوراک

5 گرام سے 7 گرام تک۔

:فوائد

اس کا پھل اور بورا ادویات میں کام آتے ہیں۔ اس کے پھل (مائیں) ہر درجہ قابض ہیں۔ اس کا جوشاندہ بنا کر زخموں اور ورموں کو دھونے سے جلد آرام آجاتا ہے۔ پیچش دستوں کے لئے اسکے پھلیعنی مائیں کا جوشاندہ بنا کر پلاتے ہیں۔

چیچک کے زخموں اور بواسیر ی مسوں کو خشک کرنے کے لئے اس کے پتوں کی دھونی دیتے ہیں اور اس کی جڑ اور پتوں کے جوشاندہ میں کانچ( مقعد) باہر نکل آنے والے مریض کو بٹھاتے ہیں۔جھاؤ کی لکڑی کےبرتن میں پانی پینے سے کھانا کھانے سے ورم طحال کا عارضہ دور ہو جاتا ہے۔

اس کا خسیاندہ خون کو صاف کرتا ہے اور جوش خون کو تسکین دیتا ہے۔جھاؤ  کاجوشاندہ دست بند کرتا ہے۔ سیلان و رطوبت کے لئے بھی  مفید  ہے۔

اگر اس کے پتے پانی میں جوش دے کر پئے جائیں تو پیٹ کے کیڑوں کو مار دیتے ہیں۔

اس کی لکڑی کی راکھ آگ سے جلے ہوئے زخموں کے لئے مفید ہے۔

اس کی جڑ کا جوش کوڑھ اوردمہ کو نافع ہے۔

یہ پوشیدہ نہ رہے کہ اس کے پھل کا بدل مازو ہے۔ سفوف پھل نکسیر کو بند کرتا ہے۔ اگر انہیں پانی میں جوش دے کر بخورلیا جائے تو زکام رفع ہو جاتا ہے اور حلق میں جمع ہوا مواد خارج کرنے میں عجیب التاثیر ہے۔

اس کے پتوں یا پھل کو اگر پانی میں جوش دے کر کلیاں کی جائے تو دانتوں کے درد کے لئے مفید  ہے۔

پھل کا سفوف پرانے نفث الدم کے لیے بہت ہی کامیاب علاج ہیں۔

اس کے پتوں کا عصارہ یا چھلکا جڑ کا جوشاندہ ورم طحال کو نرم کرتا ہے۔ بالخصوص جبکہ سرکہ اور انجیر کے ساتھ پکایا گیا ہو۔

اس کے پتوں کی دھونی بواسیر کے مسوں کو خشک کرنے میں مفید ہے اور اس کی لکڑی کی خاکستر کا حمول  سیلان کو دور کرتا ہے اور مردوں کے خونی پیشاب کو روکتا ہے۔

اس کے جوشاندہ میں  سیلان کے مریضوں کو آبزن کرانا مفید ہے اور سفوف ثمر( مائیں کا سفوف) سیلان کے لئے مفید ومجرب ہے۔